कोरोनास्थिती मध्ये राज्य परिवहन महामंडळाने
एसटी ची हंगामी तिकीट दरवाढ केली रद्द
सर्वसामान्य प्रवाशांना मोठा दिलासा !
कारंजा:( कारंजा वृत्तकेसरी न्यूज़ नेटवर्क तर्फे संदीप क़ुर्हे)
कोरोनास्थिती मध्ये राज्य परिवहन महामंडळाने यावेळी एसटी ची हंगामी तिकीट दरवाढ केली रद्द केल्याने सर्वसामान्य प्रवाशांना मात्र मोठा दिलासा मिळाला आहे
म्हणजे आता प्रवाशांना प्रचलित तिकीट दरानुसार दिवाळीच्या सुट्ट्यांमध्ये प्रवास करता येणार आहे
राज्य परिवहन प्राधिकरणाने दिलेल्या मंजुरीनुसार - राज्यात यात्रा, सलग सुट्ट्या ,सणासुदीचा काळात - तसेच सप्ताह च्या अखेर म्हणजे गर्दीच्या काळात महसूल वाढीचा स्रोत म्हणून - एसटी महामंडळाला 30 टक्केपर्यंत हंगामी दरवाढ करण्याचे अधिकार आहे
त्यानुसार आताच्या काळात म्हणजे दिवाळीच्या सुट्टीच्या कालावधीत सर्व बससेवासाठी -10 ते 15 टक्केपर्यंत तिकीट दरवाढ एसटी महामंडळाकडून करण्यात येते
दरम्यान राज्याचे परिवहन मंत्री आणि एसटी महामंडळाचे अध्यक्ष ॲड. अनिल परब यांनी दिलेल्या माहितीनुसार - यावर्षी कोणतीही दरवाढ होणार नसल्याचे म्हटले आहे
